• Slideshow 1

Junioren C2: Missglückter Start ins 2018

JuniorenC2 2017Dr 1. Gägner chunnt usem Wallis und isch mit Abschtang die beschti Mannschaft i üsärä Gruppä.

Üsäs Ziu isch gsi, das mir so guet wies geit chönnä mitzhautä. Die si für üs schlicht und eifach z starch und so verlüürä mir gägä Visp 12:4. Guet mitgspiut, nit ufgä, das ischs Positivä wo mir mitnä us däm Matsch.

Dr 2. Gägner isch Zulgtal. Mir hei üs sehr viu vorgno für dä Matsch und so heimer o agfangä spielä. Puli gwünnä, i Zwöikämpf gangä und üser wenigä Chanche optimau usgnützt. So si mir mit 5:2 i Pousä. D Stimmig im Team isch guet gsi u mir zueversichtläch das mir die Füehrig nümm Priis gä.
Leider het dr Gägner das nit so gseh, denn kurz nach Apfiff het s scho brönnt bi üs. Vo denn a isch nüt me gangä bi üs. Mir si am Gägner numä no hingernochä gsprungä. Kener Zwöikämpf me gwunnä, Gou um Gou übercho und 30 Sekundä vor Schluss dr Ussgliich kassiert. Jo uf dr Trainerbank wie o bi dä Jungs ä riiisä lääri und riiiesägrossi Enttüüschig.
Schad Jungs dr Matsch isch ersch nach 40 Minutä fertig und so isch das Unentschidä wie ä verloränä Matsch z bewärtä. Nöchscht mou besser machä heimer nach dr Analysä vo däm Matsch gseit und i hoffä das aui für die verbliebändä Spiu das o umsetzä.

Dankä aunä wo ds Seftigä si cho luegä.
Niesen
Sportpoint-BEO
Mobi Belp Spiez
Landi Thun Genossenschaft
Autohaus VonKaenel
Logo Kuenzi Knutti Front
© Unihockey Berner Oberland . Frutigenstrasse 17 . 3600 Thun . info@uhbeo.ch
uhbeo